Змест уступнага экзамена і экзаменацыйныя патрабаванні па спецыяльнасцям

“НАРОДНАЯ ТВОРЧАСЦЬ (ІНСТРУМЕНТАЛЬНАЯ МУЗЫКА)”

Абітурыент павінен:

- сыграць на баяне, акардэоне (па выбары) дзве-тры п'есы.

- прайсці праверку музычнага слыху, музычнай памяці і рытму :

• праспяваць асобныя гукі, напеўкі ці ўрыўкі з п'ес, якія яму сыграюць на фартэпіяна;

• вызначыць на слых колькасць гукаў, якія яму сыграюць паслядоўна ці адначасова;

• паўтарыць некалькі рытмічных фігур, якія яму прастукае экзаменатар;

• праспяваць мелодыю адной нескладанай песні.

“НАРОДНАЯ ТВОРЧАСЦЬ (НАРОДНЫЯ АБРАДЫ ІСВЯТЫ )”

Абітурыент павінен:

- прачытаць па памяці ўрывак з празаічнага твора, верш, байку;

- выканаць нескладаныя эцюды на зададзеную тэму;

- прайсці праверку музычна-слыхавых, пластыка-харэаграфічных даных (праспяваць нескладаную песню, паўтарыць некалькі нескладаных рытмічных малюнкаў, праспяваць меладычныя напеўкі, якія сыграны на музычным інструменце, выканаць танец альбо некалькі танцавальных рухаў (без музыкі і з музыкай);

- мець творчыя здольнасці уменне перадаць ідэю твора, фантазіраваць, імправізаваць, а таксама валодаць добрымі арганізацыйнымі здольнасцямі;

- ведаць мясцовы фальклор (гульні, беларускія народныя песні, жарты, прымаўкі, прыказкі, святы і абрады, якія сталі традыцыйнымі ў іх мясцовасці);

- мець пэўнае ўяўленне аб дзейнасці клубных устаноў і вопыт

удзелу ў мастацкай самадзейнасці, у фальклорным, тэатральным калектывах.

 “ДЫЗАЙН”

М А Л Ю Н А К

Намаляваць нацюрморт з двух-трох прадметаў, простых па форме, лакальных па афарбоўцы, на простым фоне (адным з прадметаў нацюрморта можа быць найпрасцейшы гіпсавы арнамент невысокага рэльефа).

Пастаноўка ставіцца пры кантрасным асвятленні.

Матэрыял – аловак, папера. Памер – 0,5 аркуша. Тэрмін выканання – 12 вучэбных гадзін (3 дні па 4 гадзіны).

ПАКАЗАЛЬНЫЯ ПАТРАБАВАННІ:

- абітурыент павінен ў малюнку перадаць узаемнае размяшчэнне прадметаў, іх прапорцыі, характар і форму ва ўмовах дадзенага асвятлення.

Ж Ы В А П І С

Напісаць нацюрморт з двух-трох прадметаў быта, простых па форме, ясных па колеру, розных па матэрыялу, на фоне аднаколернай драпіроўкі.

Заданне выконваецца пры дзенным асвятленні.

Матэрыял – акварэль ці алей; папера, палатно ці кардон. Памеры – не больш як 60 см па вялікім баку і 30 см па малым баку. Тэрмін выканання - 8 вучэбных гадзін (2 дні па 4 гадзіны).

ПАКАЗА ЛЬ НЫЯ ПАТРАБАВАННІ:

абітурыент павінен перадаць характар, форму, каляровыя і танальныя суадносіны прадметаў ў прасторы.

К А М П А З І Ц Ы Я

Эскіз кампазіцыі на заданную тэму.

Матэрыял – па выбару абітурыента (акварэль, гуаш ці алей; папера, кардон ці палатно).

Памер – не больш як 50 см па вялікім баку. Тэрмін выканання – 5 вучэбных гадзін (1 дзень).

ПАКАЗАЛЬНЫЯ ПАТРАБАВАННІ:

абітурыент павінен вобразна выявіць сваю задуму, аснова якой назіральнасць, фантазія і веды заканамернасцяў кампазіцыі.

"ХАРЭАГРАФІЧНАЕ МАСТАЦТВА"

Той, хто паступае на харэаграфічнае аддзяленне, праходзіць праверку прафесіянальных і фізічных даных.

Правяраюцца наступныя элементы:

=> нацягнутасць пад'ёму,

=> вываратнасць галенастопнага, каленнага і тазабедран н ага суставаў;

=> гібкасць;

=> скачок;

=> крок;

=> каардынацыю рухаў.

Ад абітурыентаў на экзамене патрабуецца:

=> выканаць любы танцавальны эцюд;

=> паўтарыць выкананых экзаменатарам некалькі рухаў;

- пераменны крок:

- прыпаданне;

- дробны ход;

- "вяровачку";

- бягунец;

-прысядку і інш..

Акрамя таго, абітурыент праходзіць праверку музычна-слыхавых даных.

Для гэтага неабходна:

=> праспяваць мелодыю адной нескладанай песні;

=> праспяваць асобныя гукі, напеўкі ці ўрыўкі з п'ес, якія яму сыграюць на інструменце;

=> паўтарыць некалькі рытмічных фігур, якія прастукае экзаменатар.